Явропа иттипақи хитайниң уйғур елидики 4 әмәлдари вә бир аппаратини җазалашни қарар қилған

Мухбиримиз әркин
2021-03-12
Share

Явропа иттипақи уйғур елидики кишилик һоқуқ дәпсәндичиликигә иштирак қилған 4 нәпәр хитай әмәлдари билән бир аппаратини җазалашни қатар қилған. "вал стерет журнили "гезитиниң хәвәр қилишичә, җазалаш тәдбирлири саяһәт чәклимиси, мал мүлкини тоңлитиш қатарлиқларни өз ичигә алидикән. Бу явропа иттипақиниң 1989-йили "тйәнәнмен вәқәси "дин буян тунҗи қетим хитай әмәлдарлириға ембарго қоюши болуп һесаблиниду.

"вал стерет журнили "ниң қәйт қилишичә, явропа иттипақиниң юқири дәриҗилик әмәлдарлири бир һәптидәк музакирә елип бериш арқилиқ 11-март ахирқи хитай әмәлдарлириға ембарго йүргүзүш тоғрисида ортақ пикир һасил қилған. Хәвәрдә, ембарго тәдбирлириниң саяһәт чәклимиси, мал-мүлкини тоңлитиш қатарлиқларни өз ичигә алидиғанлиқини билдүргән. Буниң алдида голландийә парламенти хитайниң "уйғурларға ирқий қирғинчилиқ" қилғанлиқини етирап қилған, белгийә парламентидиму хитайниң һәрикитини "ирқий қирғинчилиқ "дәп етирап қилиш тоғрисида тәклип лайиһәси сунулған иди.

Нөвәттә, явропа иттипақиниң уйғур елидики қайси хитай әмәлдарлирини вә аппаратини җазалайдиғанлиқи мәлум әмәс. "вал стерет журнили "ниң ейтишичә, бу қарар явропа иттипақи ташқи ишлар министирлириниң бу айниң ахирлирида өткүзүлидиған йиғинида рәсмий имзалиниши керәк икән. Хәвәрдә, ембарго тизимликидики шәхсләрниң исми ембарго қарари рәсмий имзаланғандин кейин елан қилинидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт