Yawropa ittipaqi xitayning Uyghur élidiki 4 emeldari we bir apparatini jazalashni qarar qilghan

Muxbirimiz erkin
2021-03-12
Share

Yawropa ittipaqi Uyghur élidiki kishilik hoquq depsendichilikige ishtirak qilghan 4 neper xitay emeldari bilen bir apparatini jazalashni qatar qilghan. "Wal stérét zhurnili "Gézitining xewer qilishiche, jazalash tedbirliri sayahet cheklimisi, mal mülkini tonglitish qatarliqlarni öz ichige alidiken. Bu yawropa ittipaqining 1989-yili "Tyen'enmén weqesi "Din buyan tunji qétim xitay emeldarlirigha émbargo qoyushi bolup hésablinidu.

"Wal stérét zhurnili "Ning qeyt qilishiche, yawropa ittipaqining yuqiri derijilik emeldarliri bir heptidek muzakire élip bérish arqiliq 11-mart axirqi xitay emeldarlirigha émbargo yürgüzüsh toghrisida ortaq pikir hasil qilghan. Xewerde, émbargo tedbirlirining sayahet cheklimisi, mal-mülkini tonglitish qatarliqlarni öz ichige alidighanliqini bildürgen. Buning aldida gollandiye parlaménti xitayning "Uyghurlargha irqiy qirghinchiliq" qilghanliqini étirap qilghan, bélgiye parlaméntidimu xitayning herikitini "Irqiy qirghinchiliq "Dep étirap qilish toghrisida teklip layihesi sunulghan idi.

Nöwette, yawropa ittipaqining Uyghur élidiki qaysi xitay emeldarlirini we apparatini jazalaydighanliqi melum emes. "Wal stérét zhurnili "Ning éytishiche, bu qarar yawropa ittipaqi tashqi ishlar ministirlirining bu ayning axirlirida ötküzülidighan yighinida resmiy imzalinishi kérek iken. Xewerde, émbargo tizimlikidiki shexslerning ismi émbargo qarari resmiy imzalan'ghandin kéyin élan qilinidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet