Yawropa ittipaqi mejburiy emgek bilen ishlepchiqirilghan mehsulatlarni cheklesh heqqidiki soda körsetmisini maqullighan

Muxbirimiz irade
2022.06.09
Share on WhatsApp
Share on WhatsApp

Bügün, yeni 9-iyun küni yawropa parlaménti xitay hökümitining Uyghurlargha qarita “Insaniyetke qarshi jinayet” yürgüziwatqanliqi we “Irqiy qirghinchiliq xewpi” shekillendürüwatqanliqini jakarlidi. Bügün yene yawropa parlaménti mejburiy emgek bilen ishlepchiqirilghan mehsulatlarning yawropa bazirigha kirishini cheklesh toghrisida bir yéngi soda körsetmisini maqullidi.

Mezkur soda körsetmisi maqullinishtin burun, yeni 7-iyun küni yawropa ittipaqida “Shinjangdiki mejburiy emgek” témisida bir ispat anglash yighini échilghan idi. Bu yighinda Uyghur irqiy qirghighchiliqi mesilisi boyiche tonulghan tetqiqatchi adriyan zénz guwahliq bergen. Yawropa parlaméntida Uyghur mesilisi üchün izchil küch chiqiriwatqan parlamént ezaliri rafa'él giluksman (Raphael Glucksmann), en'gin er'oghlu (Engin Eroglu) we shundaqla dunya Uyghur qurultiyining re'isi dolqun eysa qatarliqlarmu qatnashqan bu yighinda, tetqiqatchi adriyan zénz xitay hökümitining Uyghurlarni keng kölemlik mejburiy emgekchilerge aylandurushi we bu siyasitini yenimu kücheytip dawam qilish pilani heqqide tepsiliy melumat bergen.

Yawropa ittipaqining mejburiy emgek mehsulatlirini cheklesh toghrisidiki bu yéngi soda körsetmisi, xitay hökümitige Uyghurlargha yürgüzüwatqan irqiy qirghinchiliqi we mejburiy emgek siyasiti seweblik belgilik bir iqtisadiy ziyan peyda qilishta intayin muhim qedemlerning biri bolup hésablinidiken.

Dunya Uyghur qurultiyi bu heqtiki bayanatida yawropa ittipaqining bu yéngi soda körsetmisini qarshi alghan we buni “Amérikada 21-iyun künidin bashlap resmiy ishqa kirishidighan ‛Uyghur mejburi emgikining aldini élish qanuni‚ bilen birlikte, Uyghur mejburiy emgikige qarshi bir tutash heriket qollinishta intayin muhim ehmiyetke ige,” dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet