Явропа иттипақи йил ахирида "магнитиский қануни" ни мақуллайду


2020-07-21
Share

Уйғур дияридики түрлүк сиясий бастуруш вә миллий паҗиәләр дуняға көпләп ашкара болғандин кейин франсийәдиму буниңға қарши бирәр әмили қәдәмни елиш чуқанлири оттуриға чиқишқа башлиди. Йеқинда фирансийә җамаити фирансийә һөкүмитини уйғурлар мәсилисидә ашкара ипадә билдүрүшкә чақирип түрлүк паалийәтләрни тәшкиллиди.

Бу хилдики җамаәт пикри сәвәбидин йеқинда фирансийә парламентиниң әзаси, узундин буян уйғур вә тибәт мәсилисини көзитип келиватқан андре гаттолин фирансийә ахбаратиниң зияритини қобул қилғанда явропа иттипақиниң 2020-йилиниң ахирида "явропа иттипақиниң магнитиский қануни" ни мақуллайдиғанлиқини ашкарилиди. "хитай вақти" ториниң 21-июлдики хәвиридә бу һал алаһидә тәкитләнди.

Хәвәрдә ейтилишичә, 20-июл күни явропа иттипақи парламентиниң фирансийәлик әзаси рафел глуксман өзиниң тиветтер бетидә фирансийә президенти емманюл макронға учур йоллап "(уйғурлар мәсилисидә) давамлиқ сүкүт қилидиған ишиңиз болса бундин кейин универсал қиммәт, җумһурийәт әркинлики дегән темилардин сөз ечишиңизниң һаҗити қалмайду" дегән.

Мухбирларниң соаллириға җаваб бәргәндә парламент әзаси андре гаттолин уйғурларниң нәччә он йилдин буян бастурулуп кәлгәнликини, әмдиликтә болса лагерлар вә уйғурларниң нопусини мәҗбурий йосунда чәкләш тәдбирлирини еливатқанлиқини алаһидә тәкитлигән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт