Yawropa ittipaqining xitayda turushluq wekili: “Uyghurlarning ehwalidin qattiq endishe qiliwatimiz”

Muxbirimiz erkin
2021.12.13
Share on WhatsApp
Share on WhatsApp

Yawropa ittipaqining xitayda turushluq wekili 10-dékabir “Xelq'ara kishilik hoquq küni” bayanat élap qilip, Uyghurlarning ehwalidin qattiq endishe qiliwatqanliqi, xelq'araning rayonda toluq we musteqil tekshürüsh élip bérishigha yol qoyushni telep qilghan. Bayanatta yene tunji qétim étnik, til we diniy az sanliqlar we bashqa kishilerning ichki ezalirini köchürüshtek jinayi, gheyriy insani we gheyriy exlaqiy qilmishni toxtitishi kérekliki tekitlen'gen.

Bayanatta mundaq déyilgen: “Yawropa ittipaqi shinjang Uyghur aptonom rayonidiki kishilik hoquq weziyitidin, bolupmu keng kölemlik tutqun qilish, nazaret qilish, diniy étiqad erkinlikini sistémiliq cheklesh, shundaqla Uyghurlar we bashqa az sanliq millet kélishige qaritilghan mejburiy emgek, mejburiy tughut kontroli, jinsiy zorawanliqlargha a'it delillet asasidiki doklatlardin dawamliq qattiq endishe qilmaqta”.

Bayanatta éytilishiche, yawropa ittipaqi xitayning xelq'ara qanunlardiki mejburiyitini ada qilip, shinjang, tibet we ichki monggholdiki étnik we diniy az sanliq milletlerning hoquqini hörmet qilishqa we qoghdashqa chaqiridiken.

Bayanatta yene “B d t kishilik hoquq aliy komissarining weziyetni musteqil, obyéktip, terepsiz we ochuq-ashkara bahalashni öz ichige alghan wasitiler arqiliq shinjangdiki kishilik hoquq weziyitini hel qilishqa ilhamlanduridighanliqi” tekitlen'gen. Bayanatta éytilishiche, yawropa ittipaqi yene musteqil xelq'araliq mutexessisler, chet'ellik zhurnalistlar we diplomatlarning shinjang, tibet we xitayning bashqa jaylirida heqiqiy, cheklimisiz we nazaretsiz ziyaret qilishigha yol qoyushni chaqiridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet