Yawropa parlaménti: "Xitay térrorluqqa qarshi turush namida Uyghurlar we tibetlerni basturmaqta!"

Muxbirimiz eziz
2017-02-15
Share

Mushu ayning 8-künidin bashlap bélgiyening paytexti biryussél shehiridiki yawropa parlaméntida wakaletsiz döletler we xelqler teshkilati bash bolup teshkilligen "Xitayning térrorluqqa qarshi turush siyasetliri astida tibetler we Uyghurlarning basturulushi" témisidiki xelq'araliq yighin échildi.

Yighin jeryanida xitayning xelq'arada muhakime qiliniwatqan térrorluq we térrorluqqa qarshi turush mesilisini hazir özliri ishghal qilip turuwatqan tibet we Uyghurlar diyaridiki yerlik xelqlerni basturushning bahanisi qiliwatqanliqi, buning bilen bu rayonlarda insan heqlirining éghir derijide depsende boluwatqanliqi nuqtiliq muhakime qilindi. Wakaletsiz döletler we xelqler teshkilatining bash katipi marino busdakin bu heqte toxtilip "Xelq'ara jama'et démokratik idiyeler, qanun arqiliq idare qilish we insan heqliridin hemme kishi barawer behrimen bolush dégenlerning omumlishishi üchün öz rolini jari qildurushi lazim" dep körsetken.

Yighin qatnashquchiliri birdek, bu xildiki insan heqlirini depsende qilishning xitay hökümiti üchün yéngiliq emeslikini, emdilikte bolsa xitay hökümitining térrorluqqa qarshi turush bahaniside özlirining étnik kemsitish mezmunidiki yéngi siyasetlirini qanunlashturushqa aldirawatqanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.