Явропа парламенти уйғурлар мәсилиси түпәйлидин хитайдики мәбләғ селишни тоңлатти

Мухбиримиз әзиз
2021-05-20
Share

Явропа парламенти хитай һөкүмитиниң уйғурларға қаратқан түрлүк бастуруш тәдбирлири түпәйлидин икки тәрәп оттурисидики мәбләғ селиш мәсилисини авазға қойидиғанлиқини билдүргәниди. 20-Май күни аваз бериш аяғлишип, мәбләғ селиш келишиминиң рәсмий тоңлитип қоюлғанлиқи җакарланди.

"боғуз вақти" гезитиниң 20-майдики хәвиридә ейтилишичә, хитай һөкүмити өз алдиға "ембарго" қойған явропадики сиясий әрбаблар, мутәхәссисләр вә ширкәтләрни бикар қилиш бу қетимқи қарардики муһим мәзмунларниң бири икән. Чүнки бу кишиләр уйғурлар мәсилиси түпәйлидин охшимиған сорунларда хитай һөкүмитини әйибләп сөз қилғанлиқи үчүн хитай һөкүмити уларни "дүшмән күчләр" дәп қариғаникән. явропа парламенти сода палатасиниң рәиси җорг вутке бу һәқтә сөз қилип "биз ениқ болған мәсилини оттуриға қойдуқ. Бу сөһбәт давам қилғили йәттә йил болғаниди. Әмди униң йеңи нәтиҗигә еришишигә йәнә йәттә йил кетиши мумкин" дегән. Хитай "ембарго" қойған сиясийонларниң бири, явропа парламентиниң германийәдин болған әзаси рейнард бутикофер бу һәқтә сөз қилип "хитай чотни хата соқуп келиватиду. Улар өзлириниң бу хаталиқидин савақ елиши лазим" дегән.

Мәлум болушичә, бу қетимқи мәбләғ селишни тоңлитиш қарари хитайниң иқтисадий системиси үчүн еғир зиянларни пәйда қилидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт