Yawropa parlaménti Uyghurlar mesilisi tüpeylidin xitaydiki meblegh sélishni tonglatti
Yawropa parlaménti xitay hökümitining Uyghurlargha qaratqan türlük basturush tedbirliri tüpeylidin ikki terep otturisidiki meblegh sélish mesilisini awazgha qoyidighanliqini bildürgenidi. 20-May küni awaz bérish ayaghliship, meblegh sélish kélishimining resmiy tonglitip qoyulghanliqi jakarlandi.
"Boghuz waqti" gézitining 20-maydiki xewiride éytilishiche, xitay hökümiti öz aldigha "Émbargo" qoyghan yawropadiki siyasiy erbablar, mutexessisler we shirketlerni bikar qilish bu qétimqi qarardiki muhim mezmunlarning biri iken. Chünki bu kishiler Uyghurlar mesilisi tüpeylidin oxshimighan sorunlarda xitay hökümitini eyiblep söz qilghanliqi üchün xitay hökümiti ularni "Düshmen küchler" dep qarighaniken. Yawropa parlaménti soda palatasining re'isi jorg wutké bu heqte söz qilip "Biz éniq bolghan mesilini otturigha qoyduq. Bu söhbet dawam qilghili yette yil bolghanidi. Emdi uning yéngi netijige érishishige yene yette yil kétishi mumkin" dégen. Xitay "Émbargo" qoyghan siyasiyonlarning biri, yawropa parlaméntining gérmaniyedin bolghan ezasi réynard butikofér bu heqte söz qilip "Xitay chotni xata soqup kéliwatidu. Ular özlirining bu xataliqidin sawaq élishi lazim" dégen.
Melum bolushiche, bu qétimqi meblegh sélishni tonglitish qarari xitayning iqtisadiy sistémisi üchün éghir ziyanlarni peyda qilidiken.
- Bixeter döletke kétimen dep marakeshte tutulup qalghan idris hesenning teqdiri xewp astida qalghan
- Amérikada oqup qaytqan doktor tursunjan nurmemet bilgening tutqunda ikenliki delillendi
- Proféssor gülnar obuldiki dramatik "Idiye özgirishi" Uyghur közetküchilerning diqqitini tartti
- Guma nahiye bazar ichi saqchixana xadimi: "Qurban héyt munasiwiti bilen ilgiri taqiwétilgen 20 meschittin töti échiwétildi"
- Misirda tutqun'gha uchrighan Uyghurlar heqqide tunji doklat élan qilindi
Tallan'ghan xewerler
Amérika-xitay söhbiti yene bir qétim qatmalliqqa chüshüp qaldi