Явропа парламентиниң рәһбири волкесваген ширкитини уйғур мәсилисидә «виҗдансизлиқ» қилиш билән әйиблигән

Мухбиримиз әркин
2020-07-27
Елхәт
Пикир
Share
Принт

Явропа парламентиниң әзаси, явропа парламенти хитай вә русийә мунасивәтлири комитетиниң рәиси рейнхарт хенз бүтикофер, волкесваген ширкитини хитайниң уйғурларни дәпсәндә қилишиға ярдәмлишип, «видансизлиқ» қилғанлиқи билән әйиблигән.

Америкадики «сиясәт» гезитиниң хәвәр қилишичә, германийәлик мәзкур сиясийон үрүмчидә завут ачқан германийә аптомобил шеркитини хитайниң уйғурларға тутқан муамилисигә қарши турмиди, дәп тәнқидлигән. Волкесвагенниң иҗраийә дәриктори херберт дәис өткән йили ббч ға хитайниң милйонлиған уйғурни лагерларға қамап, уларни дәпсәндә қиливатқанлиқиға даир хәвәрләрдин мәлумати йоқлуқини билдүргән.

Волкесваген ширкити арқидинла баянат елан қилип, өзлириниң үрүмчидики аптомобил завутида уйғур мәҗбурий әмгәк күчлиринигн барлиқини рәт қилған иди. Бүтикофер «сиясәт» гезитигә қилған сөзидә, «волкесваген…бир виҗдансиз ширкәт. Униңға охшаш ширкәтләр шинҗаңдики истибдатлиқ дозиқиға шерик болуватиду,» дегән. У йәнә явропа комиссийәсини тәнқидләп, америка хитайға қарита бәзи җазалаш тәдбирлирини қолланған болсиму, лекин явропа комиссийисиниң бу ишта кәйнигә тирәҗәватқанлиқини тәкитлигән.

Рейнхарт хәнз бүтикофер өткән һәптә явропа иттипақиниң ташқи ишлар вә хәвпсизлик комиссари җосеф борелға мәктуп йезип, хитайниң уйғурларни «еғир вә системилиқ» дәпсәндә қилишиға арилишишини тәләп қилған 70 дәк явропа парламент әзалириниң бири. Бėтикоферниң «сиясәт» гезитигә тәкитлишичә, явропа комиссийәси һәрикәткә өтүшкә мувапиқ қануни қорал йоқ, дегән «баһанәниң арқисиға йошурунмаслиқи керәк,» икән.

Пикирләр (0)
Share
Толуқ бәт