Явропа парламентиниң әзаси бүтикөфер явропа парламентида уйғурлар һәққидә имза топлаш һәркити башлиди

Мухбиримиз әркин
2020-10-02
Елхәт
Пикир
Share
Принт

Явропа парламентиниң әзаси, германийәлик сиясийон рейнһарт бүтикөфер явропа парламентида уйғурларни қоғдап, хитайни җазалаш тоғрисида имза топлаш һәркити башлиған. Нөвәттә униңға явропа парламентиниң нурғун әзалири, сиясийонлар вә шәһәр башлиқлири имза қойған. Рейнхарт бүтикүфер бу һәқтики мәктубида уйғурларниң системилиқ туғмас қилиш, мәҗбурий бала чүшүрүш, балиларни ата-анилиридин айриветиш, өктичиләргә өлүм җазаси бериш, аялларни хитай компартийә кадирлири билән биллә йетишқа мәҗбурлаш, кәң көләмлик басқунчилиққа учраштәк еғир әһвалларға дуч кәлгәнлики, шинҗаң уйғур аптоном райони «инсанлиқни инкар қилишниң йәнә бир аталғусиға айлинип қалғанлиқи» ни тәкитлигән.

Униң тәкитлишичә, хитайниң қилмишини тәнқид қилип қоюш купайә қилмайдикән. У күчлүк һәрикәт болмиса «һәргиз қайтиланмайду» дегән сөзләрниң әһмийити болмайдиғанлиқи, «шуңа күчлүк вә тез һәрикәткә өтүш керәклики» ни билдургән. Униң тәкитлишичә, һөкүмәтләр хитай әмәлдарлириға қарита нишанлиқ имбарго йүргүзүши, дөләтләрниң қанун чиқирип, хәлқара ширкәтләрниң бу җинайәткә шерик болушиниң алдини елиши, б д т ниң лагерларда тәкшүрүш елип бериши, дөләтләрниң қанун чиқирип, уйғурларни қобул қилиши вә қоллиши керәк,» икән.

У мәктубиниң ахирида мундақ дәп тәкитлигән: «уйғурлар үчүн һәрикәт қилиш өзимизни ‹әркин дуня' дәп тәрипләшниң бир йоли. Бу өзимизниң немә икәнлимиз вә қандақ болмақчи икәнликимизниң тәрипләйду. Адаләтсизлик вә мустәбитликниң ғәлибә қилишиға йол қоямдуқ яки инсанниң иззәт-һөрмити, әркинликини қоғдаш өчүн зөрүр тәдбирләрни аламдуқ? һазир пүтүн йәр шари омумиййүзлүк һәрикәткә келишниң вақти кәлди.»

Пикирләр (0)
Share
Толуқ бәт