Yawropa parlaméntining yüz neper ezasi Uyghurlar heqqide birleshme mektup yollidi

Muxbirimiz eziz
2020-10-26
Share

Yawropa parlaméntining ezasi, yawropa yéshillar partiyesining re'isi raynxard butikofér 23-öktebir küni yawropa parlaméntining re'isi we mu'awin re'isige birleshme ochuq mektup yollap, ularni Uyghurlar mesiliside keskin tedbir élishqa dewet qildi.

Raynxard ependining tor bétide élan qilin'ghan ochuq mektupqa yawropa parlaméntining yüz neper ezasi imza qoyghan bolup, uningda bir qisim yawropa shirketlirining Uyghur diyaridiki mejburiy emgektin menpe'et éliwatqanliqi, Uyghurlarni qul qilish bedilige ishqa éshiwatqan bu xil mejburiy emgek halqisini cheklesh üchün yawropa ittipaqining bu xil emgek mehsulatlirini xitaydin import qilishqa xatime bérishi lazimliqi alahide tekitlen'gen.

Mektupta nöwette milyonlighan Uyghurning lagérlargha qamilip bolghanliqi, yene kélip amérika hökümiti bu xil mejburiy emgek mehsulatlirini import qilishni men'i qilish heqqide qarar alghanliqi eskertilip, yawropa ittipaqiningmu heqqaniyet sépidin orun élishi otturigha qoyuldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet