Yawropa parlaménti xitay hökümiti bilen bolghan söhbette Uyghurlar mesilisini resmiy tekitlidi

Muxbirimiz eziz
2019-12-17
Élxet
Pikir
Share
Print

"Jenubiy xitay etigenlik géziti" ning 17-dékabirdiki xewiride éytilishiche, yawropa ittipaqining mu'awin re'isi, ispaniyening sabiq tashqi ishlar ministiri josép borrél 15-dékabir küni xitay tashqi ishlar ministiri wang yi bilen bolghan söhbette Uyghur diyaridiki zor tutqun we buninggha munasiwetlik ehwallarni otturigha qoyghan.

U shuningdin kéyin ötküzülgen muxbirlarni kütüwélish yighinida özining Uyghurlar mesilisi we xongkong mesilisini otturigha qoyghanliqini alahide tekitligen. Alaqidar melumatlarda körsitilishiche, wang yi buningdin tolimu rahetsiz bolghan hemde "Bu bizning ichki ishimiz, chet'ellerning buninggha arilishish heqqi yoq" dégen kona muqamni tekrarlighan.

Josép borrél bu heqte muxbirlarning so'aligha jawab bérip, "Hemmila döletning özige yarisha ichki ishliri bolidu. Emma kishilik hoquqni ayaq-asti qilish dunyawi mesile, u hergizmu ichki ishlar emes," dégen.

Toluq bet