Явропа-сода тәшкилати хитайниң "террорлуққа қарши қануни"ға диққәт қиливатқанлиқини билдүрди

Мухбиримиз меһрибан
2015-12-29
Share

Явропа сода тәшкилати 28-декабир кәчқурун баянат берип, 21-декабир йәкшәнбә күни хитай хәлқ қурултийи тәрипидин мақулланған "террорлуққа қарши қанун" ға диққәт қиливатқанлиқини билдүрди.

Баянатта мундақ дейилгән: террорлуққа қарши қанунниң әң ахирқи лайиһисидә, пән-техника ширкәтлириниң алақә системисидики мәхпий номур вә мулазимәт аппаратиниң санлиқ мәлуматлирини йәрликкә тапшуруш бәлгилимиси еливетилипту. явропа сода тәшкилати буни бир яхши илгириләш дәп билимиз, әмма йәнила мәвҗут бәзи мәсилиләр диққитимизни қозғимақта. Мәсилән сода базириға кириш, әқлий -мүлүк һоқуқи, назарәт қилиш вә террорлуқ мәзмунидики учурлар билән тәминләш қатарлиқ мәсилиләр бар".

Ройтерс агентлиқиниң сәйшәнбә күни бу һәқтә бәргән хәвиридә "хитай хәлқ қурултийи мақуллиған террорлуққа зәрбә бериш қанунида, пән-техника ширкәтлиридин учур-алақә системисидики мәхпийәтликтә һәмкарлишиш тәләп қилинғанлиқи, әмма дәсләпки лаһийидә тилға елинғандәк ‹арқа ишик системиси' ни орнитиш, йәни сода ширкәтлириниң учур-алақә баш аппаратиниң санлиқ мәлумати вә тор қолланғучилири һәққидики санлиқ мәлуматларни тапшуруш бәлгилимиси йоқлуқи" тилға елинди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт