Yawropa-soda teshkilati xitayning "Térrorluqqa qarshi qanuni"gha diqqet qiliwatqanliqini bildürdi

Muxbirimiz méhriban
2015-12-29
Share

Yawropa soda teshkilati 28-dékabir kechqurun bayanat bérip, 21-dékabir yekshenbe küni xitay xelq qurultiyi teripidin maqullan'ghan "Térrorluqqa qarshi qanun" gha diqqet qiliwatqanliqini bildürdi.

Bayanatta mundaq déyilgen: térrorluqqa qarshi qanunning eng axirqi layihiside, pen-téxnika shirketlirining alaqe sistémisidiki mexpiy nomur we mulazimet apparatining sanliq melumatlirini yerlikke tapshurush belgilimisi éliwétiliptu. Yawropa soda teshkilati buni bir yaxshi ilgirilesh dep bilimiz, emma yenila mewjut bezi mesililer diqqitimizni qozghimaqta. Mesilen soda bazirigha kirish, eqliy -mülük hoquqi, nazaret qilish we térrorluq mezmunidiki uchurlar bilen teminlesh qatarliq mesililer bar".

Roytérs agéntliqining seyshenbe küni bu heqte bergen xewiride "Xitay xelq qurultiyi maqullighan térrorluqqa zerbe bérish qanunida, pen-téxnika shirketliridin uchur-alaqe sistémisidiki mexpiyetlikte hemkarlishish telep qilin'ghanliqi, emma deslepki lahiyide tilgha élin'ghandek 'arqa ishik sistémisi' ni ornitish, yeni soda shirketlirining uchur-alaqe bash apparatining sanliq melumati we tor qollan'ghuchiliri heqqidiki sanliq melumatlarni tapshurush belgilimisi yoqluqi" tilgha élindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet