Gérmaniye tashqi ishlar ministirining “Bir yawropa” sözi xitayni bi'aram qildi

Muxbirimiz irade
2017.08.31

Charshenbe küni, gérmaniye tashqi ishlar ministiri sigmar gabriyal firansiyediki ziyariti dawamida qilghan bir sözide “Xitayning bizni bölüshni meqset qilmighan bir yawropa siyasiti bolushi kérek” dégen idi.

Gabriyal özining néme üchün bundaq dégenlikige bir chüshenche bermigen.

Emma washin'gton pochtisi gézitining éytishiche, xitay hökümitining yawropa ittipaqidiki kichik döletler üstidiki iqtisadiy küchidin paydilinip turup, bu döletlerning yawropa ittipaqidiki xitaygha a'it mesililerde özige paydiliq qarar chiqishini qolgha keltüridighan xahishlar köpiyip ketken bolghachqa, bu ehwal bezi yawropa döletliri emeldarliri arisida küchlük naraziliq peyda qilmaqtiken.

Washin'gton pochtisining misal qilip körsitishiche, girétsiye bu yil iyunda yawropa ittipaqining xitayning kishilik hoquq xatirisini tenqidlep bayanat élan qilishigha tosqunluq qilghan iken. Wén'giriyemu mushuningdek yene bashqa bayanatlarning élan qilinishigha tosqunluq qilghan.

Melum bolushiche, yawropaliq emeldar yene xitay hökümitining yawropa ittipaqi qarmiqidiki ayrim hökümetlerge bezi paydilarni bérish arqiliq, yawropa ittipaqidiki döletlerning ortaq halda qarar élishigha kashila peyda qiliwatqanliqidin shikayetchi iken.

Xitay tashqi ishlar ministiri xu'a chünying bolsa peyshenbe küni muxbirlarning bu heqtiki so'aligha jawab qayturghanda özlirining bu bayandin heyran qalghanliqini éytip, gabriyalni “Bir yawropa” dégen sözige chüshenche bérishke chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.