Yawrupadiki yehudiy yashliri Uyghurlargha yürgüzüliwatqan medeniyet qirghinchiliqigha qarshi heriketke ötti

Muxbirimiz irade
2020-02-05
Élxet
Pikir
Share
Print

Yawrupaning herqaysi jayliridiki yehudiy yashliri Uyghurlargha yürgüzüliwatqan medeniyet qirghinchiliqini ayaqlashturush üchün heriketke ötti.

Yawrupadiki yehudiy yashlirigha wekillik qilidighan "Yawrupa ittipaqi yehudiy oqughuchilar uyushmisi", "Gérmaniye yehudiy oqughuchilar uyushmisi" we "En'giliye yehudiy oqughuchilar uyushmi'isi" qatarliq teshkilatlar 4-féwral küni ortaq bayanat élan qilip, xitay hökümitining Uyghurlargha yürgüzüwatqan medeniyet qirghinchiliqini eyiblesh bilen birge herqaysi döletlerning bu mesilige yéterlik inkas qayturmighanliqini tenqid qilghan. 

Ular "Yawrupa yehudiylar qurultiyi" ning tor bétide élan qilghan bayanatida hazir Uyghur élida 3 milyun etrapida Uyghur we bashqa yerlik musulman milletlerning lagérgha qamalghanliqini, tarixta érqiy qirghinchiliq we döletsizlikning derdini yetküche tartqan bir milletning yashliri bolush süpiti bilen yehudiy yashlirining hergiz bu esirde yüz bériwatqan bu qirghinchiliqqa qarap turalmaydighanliqini eskertken. 

Ular bayanatida yawrupa ittipaqidiki siyaset belgüchilerni Uyghurlar üchün heriketke ötüshke, tarixtiki eyni xataliqni sadir qilip, yehudiylargha yürgüzülgen érqiy qirghinchiliqning qayta sadir bolushigha yol qoymasliqqa chaqirghan. 

Yuqiriqi bu yehudiy yashliri bayanatida yene özlirining bundin kéyin merkizi gérmaniyediki dunya Uyghur qurultiyi bilen yéqindin hemkarliship, Uyghurlar üchün pa'al heriketke ötidighanliqini bildürgen.

Toluq bet