Yawropa parlaménti Uyghurlar heqqide söz qilishqa chaqirildi

Muxbirimiz eziz
2020-09-18
Élxet
Pikir
Share
Print

Xitay hökümitining Uyghurlarni basturushigha qarshi tenqid we eyibleshler qatarida yéqinda yawropa parlaméntining ezasi, yawropa konsérwatiplar we islahatchilar partiyesining mu'awin re'isi anna fotiyga yawropa ittipaqinimu bu sepke qoshulushqa chaqirdi.

"Yéngi yawropa" gézitining 18-séntebir sanida élan qilghan maqalisida anna fotiyga xanim ötken hepte özi we bashqa xizmetdashlirining yawropa parlaméntida "Uyghurlar üchün sözleyli" dégen xetler bésilghan maska taqighan halda ish béjirish pa'aliyitining belgilik ünümge érishkenlikini bildürgen. Shundaqla yawropa ijra'iye komitétining re'isi ursula léyén xanimning ittipaq yighinida Uyghurlar mesilisini tilgha alghanliqini, shundaqla özlirining "Yawropa magnétiski qanuni" ni tonushturush heqqidiki chaqiriqigha jawab qayturghanliqini éytqan. 

Anna fotiyga maqalisida yene yawropa ittipaqining bu qétimqi yighinida gérmaniye rehbiri anjila mérkélning kishilik hoquq mesilisi toghrisida yoqning ornida söz qilish bilenla cheklinip qalghanliqini tenqidlidi. Shuningdek "Xitaydiki az sanliq milletler mushundaq zor paji'elerge duch kéliwatqanda yawropa ittipaqining bir közini qisiwélishi peqetla qamlashmighan bir ish" dégen. 

U maqalisining axirida yawropa parlaméntining barliq ezaliri bir yaqidin bash chiqirip yawropa parlaméntini Uyghurlar mesilisi heqqide téximu küchlük we emeliy bolghan bir ortaq qarar élishqa chaqirdi.

Toluq bet