Yawropadiki bezi döletler amérika bilen bir qatarda Uyghur mesilisige bolghan endishisini ipadilidi

Muxbirimiz sada
2019-09-25
Élxet
Pikir
Share
Print

24-Séntebir küni amérika tashqi ishlar ministirliqi kanada, gérmaniye, gollandiye we en'gliye qatarliq döletler bilen birlikte "Shinjangdiki kishilik hoquq krizisi" témisida bir muhakime yighini uyushturdi.

Mezkur yighin amérikaning nyu-york shehiridiki birleshken döletler teshkilati binasida échilghan. Yighinda amérika tashqi ishlar ministirliqining mu'awin ministiri jon solliwén, birleshken döletler teshkilati bash sékrétarining xelq'araliq hoquqlarni qoghdash boyiche alahide meslihetchisi kérrin simis qatarliqlar muhim söz qilghan. Ular sözliride xitayning Uyghur diyaridiki Uyghur, qazaq, qirghiz we bashqa yerlik musulman milletlerge yürgüzüwatqan we izchil dawamlishiwatqan bésimdin qattiq chöchügenlikini bildürgen. 

Ular sözliri dawamida yene xitayning 2017-yili aprélda bashlighan zor kölemlik tutqunning qurbanlirigha aylan'ghan bir milyondin artuq Uyghur tutqun hemde hazirghiche melum bolghan mejburiy emgekke sélish, qiyin-qistaqqa élish we bashqa sirliq ölüm xewerlirige qarita xelq'ara jem'iyetning diqqet qilishini telep qilghan. 

Yighinda bu qétimliq muhakime yighinining qoshumche sahibxana döletliridin en'gliye we gérmaniyening wekillirimu ayrim-ayrim söz qilghan. Ular sözide özlirining Uyghurlarning nöwettiki éghir ehwalidin qattiq endishe qilidighanliqini, ulargha kéliwatqan bu zulumgha xatime bérish üchün küchining bariche tirishchanliq körsitidighanliqini ipade qilghan.

Toluq bet