Явропа парламентиниң уйғурлар һәққидики қарари хитайниң қаттиқ наразилиқини қозғиған

Мухбиримиз әркин
2019-12-20
Елхәт
Пикир
Share
Принт

Хитай 20‏-декабир күни явропа парламентиниң 19-декабир мақуллиған уйғурлар һәққидики қара лайиһәсигә инкас билдүрүп, явропа парламентини «икки йүзлимичилик» билән әйиблигән. явропа парламенти 19‏-декабир қарар мақуллап, хитай һөкүмитиниң «уйғур районида қануни рәсмийәтсиз елип бериватқан халиғанчә тутқун қилишлириға хатимә бериши» ни тәләп қилип, явропа комиссийәсини районда кишилик һоқуқни дәпсәндә қиливатқан хитай әмәлдарлириға имбарго йүргүзүшкә чақирған.

Қарар лайиһәсидә йәнә хитайниң уйғур, қазақ қатарлиқ мусулман түркий милләтләр олтурушлуқ мәзкур районда «террорлуққа қарши туруш» намида елип бериватқан һәрикитиниң «дин вә етник милләтләргә қарши туруш уруши» ға айланғанлиқи, райондики йиғивелиш лагерлиридә тутуп туруливатқан уйғур вә башқа аз санлиқ милләтләргә «системилиқ меңә ююш» елип бериливатқанлиқи тәкитләнгәниди.

Франсийә агентлиқиниң хәвәр қилишичә, хитай ташқи ишлар министирлиқи баянатчиси гең шуаң 20‏-декабир явропа парламентини «террорлуқ мәсилисигә икки хил өлчәм қоллиништин ваз кечиш» кә, шундақла хитайниң «ишки ишлириға арилишишни тохтитишқа чақирған. Гең шуңаниң қаришичә, «шинҗаң вә хитай хәлқи шинҗаңниң вәзийити һәққидә сөзләшкә йирақтики явропалиқларға қариғанда техиму һәқлиқ» икән. Лекин явропа парламентиниң 18‏-декабир күни өткүзүлгән муназирисидә бәзи әзалар сөзгә чиқип: «райондики барлиқ лагерлар тақилиши вә кишилик һоқуқни дәпсәндә қилғучиларниң һәммиси җавабкарлиққа тартилиши, шундақла явропа иттипақиниң буниңда җавабкарлиқи әмәлдарларға нишанлиқ ембарго йүргүзүлүши» ни тәләп қилғаниди. Бу қетимқи қарар лайиһәси явропа парламентиниң «сахароф мукапати» түрмидики атағлиқ уйғур зиялийси илһам тохтиға тарқитип арқидинла авазға қоюлған.

Пикирләр (0)
Share
Толуқ бәт