Yawropa parlaméntining Uyghurlar heqqidiki qarari xitayning qattiq naraziliqini qozghighan

Muxbirimiz erkin
2019-12-20
Élxet
Pikir
Share
Print

Xitay 20‏-dékabir küni yawropa parlaméntining 19-dékabir maqullighan Uyghurlar heqqidiki qara layihesige inkas bildürüp, yawropa parlaméntini "Ikki yüzlimichilik" bilen eyibligen. Yawropa parlaménti 19‏-dékabir qarar maqullap, xitay hökümitining "Uyghur rayonida qanuni resmiyetsiz élip bériwatqan xalighanche tutqun qilishlirigha xatime bérishi" ni telep qilip, yawropa komissiyesini rayonda kishilik hoquqni depsende qiliwatqan xitay emeldarlirigha imbargo yürgüzüshke chaqirghan.

Qarar layiheside yene xitayning Uyghur, qazaq qatarliq musulman türkiy milletler olturushluq mezkur rayonda "Térrorluqqa qarshi turush" namida élip bériwatqan herikitining "Din we étnik milletlerge qarshi turush urushi" gha aylan'ghanliqi, rayondiki yighiwélish lagérliride tutup turuliwatqan Uyghur we bashqa az sanliq milletlerge "Sistémiliq ménge yuyush" élip bériliwatqanliqi tekitlen'genidi.

Fransiye agéntliqining xewer qilishiche, xitay tashqi ishlar ministirliqi bayanatchisi géng shu'ang 20‏-dékabir yawropa parlaméntini "Térrorluq mesilisige ikki xil ölchem qollinishtin waz kéchish" ke, shundaqla xitayning "Ishki ishlirigha arilishishni toxtitishqa chaqirghan. Géng shunganing qarishiche, "Shinjang we xitay xelqi shinjangning weziyiti heqqide sözleshke yiraqtiki yawropaliqlargha qarighanda téximu heqliq" iken. Lékin yawropa parlaméntining 18‏-dékabir küni ötküzülgen munaziriside bezi ezalar sözge chiqip: "Rayondiki barliq lagérlar taqilishi we kishilik hoquqni depsende qilghuchilarning hemmisi jawabkarliqqa tartilishi, shundaqla yawropa ittipaqining buningda jawabkarliqi emeldarlargha nishanliq émbargo yürgüzülüshi" ni telep qilghanidi. Bu qétimqi qarar layihesi yawropa parlaméntining "Saxarof mukapati" türmidiki ataghliq Uyghur ziyaliysi ilham toxtigha tarqitip arqidinla awazgha qoyulghan.

Toluq bet