Йәһудий чоң қирғинчилиқидин аман қалған шаһитлар борис җонсонниң уйғурларни қоллишини тәләп қилди

Мухбиримиз әркин
2021-02-23
Share

2-Дуня урушида натсистларниң йәһудий чоң қирғинчилиқидин аман қалған шаһитлар әнглийә баш министири борис җонсонниң ирқий қирғинчилиқ қанунидики талаш тартишларда уйғурларни қоллишини тәләп қилған. "сиясәт" гезитиниң хәвәр қилишичә, йәһудий чоң қирғинчилиқидин аман қалған рут барнет, дорит оливер волф исимлик икки яшанған йәһудий аял 23-феврал борис җонсонға қарита очуқ хәт елан қилип, әнглийәниң "шинҗаңдики мусулман уйғурлар учраватқан ирқий қирғинчилиқни етирап қилиш үчүн йитәрлик күч чиқармиғанлиқидин қаттиқ әнсирәйдиғанлиқи" ни билдүргән.

Улар бу чақириқни әнглийә сода қануниға "ирқий қирғинчилиқ" маддисини киргүзүш тоғрисидики қанун түзүтиш лайиһәси әнгилийә юқири палатасида қайта сунулған мәзгилдә елан қилинған. Рут барнет билән дорит оливәр волф өзлириниң чақириқини видейо арқилиқму елан қилған. Улар чақириқида, "ойлаш иқтидариға игә һәрқандақ адәмниң шинҗаңдики ирқий қирғинчилиққа учраватқан уйғурларни вә дуняниң башқа җайлиридики хәлқләрни ойлиши керәклики", борис җонсонниң улар билән көрүшүп, "җиддий өзгәртишкә тәгишлик бу мәсилиләрни музакирә қилиши" ни тәләп қилған.

Улар "биз сизниң тәклипимизни қобул қилип, кәлгүсидә уйғур қирғинчилиқини хатирләш әһвалиға чүшүп қалмаслиқимизға капаләтлик қилишиңизни үмид қилимиз" дегән. Борис җонсон өткән һәптә уйғур вә хоңкоң мәсилисини алдинқи орунға қоюдиғанлиқини билдүргән. Бирақ у буниң алдида әнглйә сотиниң ирқий қирғинчилиқ әрзилирини қобул қилип, униңға һөкум қилишиға йол қоюш тоғрисидики сода қануниға түзүтиш киргүзүш лаһийәсиниң авам палатасида мақуллунишиға кашила қилғаниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт