Rabiye qadir xanim 2014-yil 28-iyul “Yeken weqesi” heqqide bayanat élan qildi

Dunya Uyghur qurultiyi re'isi rabiye qadir xanim, 26-iyul seyshenbe küni öz namida bayanat bérip, Uyghurlar we dunya jama'etchilikini 2014-yil 28-iyul küni yüz bergen yeken weqesini untup qalmasliqqa chaqirdi.

Rabiye qadir xanim bayanatida, “2014-Yili 7-ayning 28-küni yekenning élishqu, xangdi yézilirida yüz bergen Uyghurlarning naraziliq herikitining basturulush weqesi qatarliq Uyghurlarning xitay hökümitige bolghan naraziliq qarshiliq heriketliride hayatidin ayrilghanlarni xatirilesh bilen birge shéhitlar a'ilisidin we türmide yétiwatqan Uyghur siyasiy mehbusliri a'ilisidin semimiy hal soraydighanliqi” ni bildürdi.

Rabiye qadir bayanatida yene, yéqinqi yillarda xitay hökümiti teripidin qanliq basturulghan 2009-yildiki “5 -Iyul ürümchi weqesi”, 2014-yildiki “28-Iyul yeken weqesi” qatarliq weqelerni neqil élip, bu weqelerni Uyghurlar we dunya jama'etchilikining untup qalmasliqini, gherb démokratik dölet hökümetliri we kishilik hoquq teshkilatlirining Uyghurlarning diniy erkinliki we kishilik hoquq erkinlikining xitay hökümiti teripidin basturuluwatqan nöwettiki weziyitige jiddiy diqqet qilishini otturigha qoyghan.

Xewer menbeliride körsitilishiche, 2014-yili roza héyt harpisida qeshqerning yeken nahiyisining élishqu, xangdi yézilirida bir qisim Uyghurlar yerlik hökümet da'irilirining ramizan cheklimilirige naraziliq bildürüp kochigha chiqip namayish qilghinida, puqralar bilen yéziliq hökümet xadimliri we saqchilar otturisida toqunush yüz bérip, Uyghur puqraliri qoralliq saqchi we eskerler teripidin basturulghan idi.