Йемәклик бихәтәрлик мәсилиси үрүмчи аһалилиригә тәһдит қилмақта

Мухбиримиз ирадә
2013-06-26
Share

Сахта йемәклик завутлири вә сүпәт өлчимигә йәтмәйдиған йемәкликләрниң үрүмчидики аһалиләргә тәһдит қиливатқанлиқи мәлум болмақта.

Тәңритағ торида бу һәқтә берилгән хәвәрдин мәлум болушичә, өткән 8-айдин һазирғичә болған қисқиғинә он ай ичидә үрүмчи шәһиридә қанунсиз һалда йемәклик ишләпчиқириш билән шуғуллиниватқан 220 ‛‛ қара завут ‚‚ печәтләнгән. 63 Милйон 560 миң сом қиммитидики сахта, начар тавар байқалған. 50 Тин артуқ йемәклик карханисиға мәһсулатлирида көрүлгән сүпәт мәсилиси түпәйлидин чарә көрүлгән.

Йемәклик бихәтәрлик мәсилиси һазир хитайдики муһим иҗтимаий мәсилиләрниң бири. юқиридики хәвәрдин бу мәсилиниң уйғур елидики истемалчиларғиму охшашла тәһдит қиливатқанлиқи мәлум болмақта.

Хитайдики зәһәрлик сүт парашоки, зәһәрлик ай тоқач, юндидин айрип ясалған йемәклик мейи вәқәлири хәлқарада күчлүк инкас қозғиғандин кейин, хитай даирилири бу җәһәттә бир қатар тәдбирләрни алған болсиму, әмма хәлқниң мәнпәитигә биваситә зиян салидиған бундақ вәқәләр давамлиқ көрүлмәктә. Хитай көзәткүчиләр болса буниң, хитайдики һәр дәриҗә, һәр қатламға чоңқур сиңип кәткән чириклик билән биваситә мунасивәтликликини, хитайда чириклик аяғлашмиғучә, йемәклик бихәтәрликидин сөз ечишниң мумкин болмайдиғанлиқини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт