Chet'ellerdiki Uyghur jama'itining siyasiy we tarixiy tereqqiyatigha da'ir yéngi eser neshr qilinmaqchiken

Muxbirimiz eziz
2017.10.16

Dunya siyasiy weziyitining özgirishi Uyghur jama'itining bir qisim döletlerde öz aldigha étnik mehellilerni qurup chiqishigha türtke bolghan idi. Yéqinda neshrdin chiqish aldida turghan “Uyghur jama'iti: muhajiret, kimlik we siyasiy jughrapiye” namliq eser bolsa ene shu xildiki Uyghur jama'etliri duch kéliwatqan türlük mesililerge béghishlan'ghan iken.

Türkiyediki ghazi uniwérsitétining proféssorliridin güljennet erjilasun we qonur erjilasun birlikte teyyarlighan bu toplamni makmillan neshriyati 2017-yilining axiri neshr qilishni pilanlighan.

Toplamda aldi bilen Uyghurlarning tarixiy tereqqiyati we Uyghur milletchiliki 20-esirning bashlirida duch kelgen xirislar qisqiche tonushturulidu. Andin alaqidar aptorlarning chet'ellerdiki Uyghur jama'iti, Uyghur kimliki, diniy étiqad ehwali, Uyghurlarning ottura asiyadiki orni, 2009-yilidiki ürümchi weqesidin kéyin Uyghurlarning türkiye-xitay munasiwitide igiligen orni qatarliq témilar boyiche yézilghan bir yürüsh in'glizche maqaliler bérilidu.

Bu toplamdiki maqaliler muhajirettiki Uyghurlarni bir pütün dunya siyasiy xeritisige qoyup turup tehlil qilishni meqset qilghan bolup, Uyghur kimliki tarix, din we siyaset nuqtiliridin sherhilinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.