Analizchilar xitayning “Yéngi yipek yoli” istratégiyesi amérikining déngiz transiportigha riqabet élan qildi dep qarimaqta

Muxbirimiz qutlan
2015-01-05
Share

Analizchilar xitay hökümiti yolgha qoyghan “Yéngi yipek yoli” istratégiyesi yawro-asiya chong quruqluqining musapisini zor derijide qisqartip, amérika bashchiliqidiki gherb dunyasining déngiz transportigha riqabet élan qildi, dep qarimaqta.

Yéqinda birleshme agéntliqning tor béti - “ Salon” da mexsus maqale élan qilinip, xitayning “Yéngi yipek yoli؛” pilani emeliyette amérika bashchiliqidiki gherb dunyasi shekillendürgen déngiz transporti üstünlükige xiris élip keldi, déyilgen.

Melumki, 18-noyabir küni shangxeydin 300 kilométir jenubtiki yiwu shehiridin ispaniyening madrid shehirige yétip baridighan oq béshi shekillik transport poyizi yolgha chiqqan. Tunji qétim échilghan bu poyiz liniyisi jem'iy 13 ming kilométir bolup 8 döletni késip ötidiken we 21 künde axirqi musapige yétip baridiken. U ilgiriki dunyada eng uzun tömüryol liniyisi dep qaralghan rusiyening sibiriye-yiraq sherq tömüryolidin az kem bir hesse uzun iken.

Xitay mallirini qachilap yawro-asiya quruqluqidiki döletlerge baridighan we u yerdin özige jiddiy éhtiyajliq xam matériyallarni élip qaytidighan bu poyiz liniyisining kelgüside 21 kündin 2 kün'ge qisqirish mumkinchiliki tesewwur qilinmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet