Xitay yéngi zéllandiyining süt parashokini import qilishni toxtatti

Muxbirimiz ümidwar
2013-08-04
Share

Yéngi zéllandiye soda ministiri yekshenbe küni xitay hökümitining yéngi zéllandiyining barliq süt parashoklirini import qilishni toxtatqanliqini bildürgen. Roytérsning xewer qilishiche, mexsus sütlük yémeklikler we süt parashoki ishlep chiqiridighan yéngi zéllandiye shirkiti fontéra süt parashoki terkibidin baktériye bayqalghanliqini étirap qilghan.

Bularning mehsulatliri balilar yémeklikliri üchünmu ishlitidighan bolup, xitay, awstraliye, malaysiya, wétnam,se'udi erebistan qatarliq 8 dölet sétiwalatti.

Yéngi zéllandiye soda ministiri sözide junggo hökümitining yéngi zéllandiye süt parashoklirini import qilishni toxtitishini pütünley chüshinishke bolidu, dégen hemde pütün dunya boyiche baktiriyilen'gen öz mehsulatlirini qayturiwalidighanliqini bildürgen.

Melum bolushiche yéngi zéllandiye xitayni sütlük yémeklik bilen teminleydighan asasliq dölet bolup, yéngi zéllandiye sütlük mehsulatliri xitayda yuqiri ishench qazan'ghan idi, bolupmu xitaydiki balilar zeherlik süt parashoki mesilisi peyda bolghandin kéyin junggoluqlarda öz mehsulatigha emes, belki chet'ellerning balilar yémekliri we süt parashoklirige ishench qilish keypiyati kücheygen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet