Qaghiliq nahiyeside "80, 90, we 2000 yilidin kéyin tughulghan yashlarni terbiyelesh kursi" uyushturulmaqtiken

Muxbirimiz irade
2018-02-12
Élxet
Pikir
Share
Print

Qaghiliq nahiyelik hökümet torida 1-féwral küni tarqitilghan bir xewerdin qarighanda, qaghiliq nahiyeside "80, 90, we 2000 yilidin kéyin tughulghan yashlarni terbiyelesh mexsus kursi" bashlan'ghan. 31‏-Yanwar küni bashlan'ghan bu kurs 24‏-qarar kurs bolup, uningda nahiyediki teshwiqat xadimliri mexsus nutuq sözleydiken.

Xewerde kurstiki yashlargha "Dini radikal idiyelerdin uzaq turush, 'üch xil küchler' ge qet'iy qarshi turush, qanunni yaxshi öginip, özining bext körsetküch nomurini yuqiri kötürüsh, minnetdarliqni bilidighan, medeniyetlik qaghiliqlar" din bolush terbiyesi élip bériliwatqanliqi we bu arqiliq "Ularning wetenni chin yürikidin söyüshi ishqa ashuruluwatqanliqi" tilgha élin'ghan.

Melum bolushiche, bu kurs qaghiliq nahiyeside 2017-yilidin bashlap tesis qilin'ghan bolup, buning bashqa nahiyelerdimu élip bériliwatqan bolushi texmin qilinmaqta.

Yéqinda, istansimiz igiligen uchurlardin, xitay hökümitining yekende "Yépiq terbiyelesh merkezliri" din bashqa yene ishsizlarnimu yighiwélip siyasiy terbiyege uyushturuwatqanliqi ashkarilan'ghan idi. Chet'ellerdiki Uyghur közetküchiler, yuqiridiki kurslarning Uyghur élidiki shekli özgergen "Yépiq terbiyelesh merkezliri" ikenlikini bildürdi.

Toluq bet