Kanada xitayning Uyghur élidiki "Yépiq terbiyelesh merkezliri" ni tenqid qildi

Muxbirimiz irade
2018-03-22
Élxet
Pikir
Share
Print

Kanada, "Xitay hökümitining Uyghur élida minglighan kishilerni atalmish 'yépiq terbiyelesh merkezliri' ge solishi xitay hökümitining qanun arqiliq idare qilinidighan döletlikige bolghan gumanimizni téximu kücheymekte," dédi.

Nöwette jenwede dawam qiliwatqan birleshken döletler teshkilati kishilik hoquq kéngishining 37-qétimliq omumiy yighinida doklat bergen kanadaliq wekil Uyghur élidiki "Yépiq terbiyelesh merkezliri" ni tilgha alghan. U sözide "Minglighan Uyghurlarning atalmish 'yépiq terbiyelesh merkezliri' ge solinishi, bu jeryanlarning ochuq -ashkara bolmasliqi, qanuniy tertiplerge uyghun bolmasliqidek ehwallar xitayning qanun arqiliq idare qilinidighanliqigha guman peyda qilidu," dégen.

Kanadaliq wekil sözide yene xitay hökümitining Uyghur éli we tibette yürgüzüwatqan milliy we dini bésim siyasitining xelq'araliq qanunlargha we hetta xitayning öz qanunlirighimu éghir derijide xilapliqini eskertip, "Biz xitay hökümitini özining tughma kishilik hoquqidin behrimen bolghanliqi üchün we milliy medeniyet we til-yéziq hoquqini qoghdighanliqi üchünla türmilerge solan'ghan kishilerni derhal qoyup bérishke chaqirimiz," dégen.

Dunya Uyghur qurultiyining tiwittér torida bildürüshiche, bu Uyghur élidiki "Yépiq terbiyelesh merkizi" ning tunji qétim bir dölet teripidin resmiy türde éghizgha élinishi bolup hésablinidiken.

Toluq bet