Memet toxti:"Uyghurlar 21-esirdiki yighiwélish lagérlirining qurbanliri bolmaqta!"

Muxbirimiz eziz
2018-05-18
Élxet
Pikir
Share
Print

Herqaysi axbarat wasitiliri hemde mutexessisliri birdek "Üsti ochuq türme" dep teswirlewatqan Uyghurlar diyaridiki siyasiy weziyetning yerlik kishilerning hayatigha körsitiwatqan selbiy tesiri herqachan kishilerning diqqitide bolup kelmekte.

D u q köchmenler komitétining mudiri memet toxti imzasida 18-may küni "Diplomat" tor bétide élan qilin'ghan bu heqtiki maqalida del mushu mesililer muhakime qilinidu.

Maqalida yéqinqi birnechche hepte jeryanida amérika hökümitidiki yuqiri derijilik xadimlarning Uyghurlar diyaridiki éghirlap méngiwatqan siyasiy basturushlargha jiddiy inkas qayturuwatqanliqini eslep ötüsh bilen birge "Terbiyelesh merkizi" dégen namda mewjut boluwatqan bu jaylargha bir milyondin köp Uyghurning qamalghanliqi, bu orunlar heqqide melum boluwatqan türlük xewerlerge asasen bu "Merkez"lerni "Yighiwélish lagéri" dep atashqa pütünley bolidighanliqi otturigha qoyulidu. Shuningdek "Yighiwélish lagéri"ning tebiri bilen Uyghurlar diyarining hazirqi weziyitining toluq mas kélidighanliqi algha sürülidu.

Maqalida yene xitay hökümitining ötken on nechche yilda "Térrorluqqa qarshi turush" namida Uyghurlarni qattiq basturuwatqanliqi, xitay hökümitining dunyawi kéngeymichilik xahishining nöwette "Bir belwagh bir yol qurulushi" namida jiddiy ijra boluwatqanliqi, buningdiki ötkünchi makan bolghan Uyghurlar diyarining hemde uning igisi bolghan Uyghurlarning nöwette shi jinpingning "Armanliri" üchün tosalghu dep qariliwatqanliqi tekitlinidu. Aptorning qarishiche, del mushu chüshenche sewebidin xitay hökümiti Uyghurlarning ünini biraqla öchürüp tashlash üchün maqalida bayan qilin'ghan "Yighiwélish lagérliri" sheklidiki mu'essesilerni köplep tesis qilghan. Buning bilen pütkül Uyghur milliti bir zor téragédiyege duch kelmekte iken.

Toluq bet