Ahaliler: "Yépiq terbiyelesh sewebidin xoten chong bazarda üchtin bir qisim dukanlar taqaldi"

Muxbirimiz shöhret hoshur
2017-10-18
Élxet
Pikir
Share
Print

Melum bolushiche, Uyghur aptonom rayonida köp sanda kishilerning "Yépiq terbiyelesh merkezliri" ge soliwélinishi sewebidin rayonnning soda tijaritige közge körünerlik tesir yetküzgen.

Xoten sheher ichidiki ilchi bazirida olturushluq bir tijaretchining muxbirimizgha pash qilishiche, nöwette xoten chong bazardiki dukanlarning üchtin bir qismi taqalghan. Bazardiki xéridarlarning sanimu aziyip, bulturqi oxshash mezgilge sélishturghanda aran yérimigha chüshüp qalghan.

Qaraqashning purchaqchi yézisidiki bir ayallar mudiri öz mehellisidin terbiyleshke ketkenler heqqide toxtalghinida, tutqunlarning köpinchisining xoten sheher ichi yaki qaraqash nahiye bazirida tijariti barliqini ashkarilighan. Purchaqchida tutulmay qalghan bir kishi özining tutulmasliqini jem'iyetke arilashmasliq aditige baghliq dep chüshendürüsh bilen bille, özining xoten chong bazardiki dukinining sodisining chüshüp ketkenliki, dukan ijarisini teste tölewatqanliqi we soda mushundaq dawam qilsa, bir-aydin kéyin dukan taqash oyi barliqini bayan qilghan idi.

Xoten chong bazar tewe bolghan bazar bashqurush ponkitining xadimi, taqalghan dukanlarning sani we nisbiti toghriliq melumat bermidi, emma belgilik sandiki dukanlarning yéqinqi aylarda arqa-arqidin taqalghanliqini inkar qilmidi.

Toluq bet