Bir xitay adwokat “Yépiq terbiye lagér” liri heqqide yene bir türküm uchurlarni ashkarilidi

Muxbirimiz shöhret hoshur
2018.03.29

Kanada yashawatqan shawn jang isimlik bir kishilik hoquq adwokati Uyghur rayonidiki bir xitay adwokat dostining dep bergenlirige asasen, Uyghur rayonidiki “Yépiq lagér” lar heqqide yene bir türküm uchurlarni ashkarilidi. Ijtima'iy axbarat wasitiliridin twittérda ashkarilan'ghan bu uchurlarda, Uyghur rayonidiki 2000 nopusluq bir kenttin 400-500che kishining lagérda ikenliki, 20-30 che kishining kichik bir öyde qistilip yatidighanliqi qatarliq, ilgiri ashkarilan'ghan ehwallar tekrar delillen'gendin bashqa, lagérdikilerning 3000 xitayche xet öginishke mejburliniwatqanliqi, da'irilerning a'iliside emgek küchi qalmighan a'ililerge ayda 400-500 yüen turmush yardem puli bérip qoyup, ularni bezlewatqanliqi, bezi jaza höküm qararlirini sot organliri emes, asasi qatlamdiki emeldarlarning bériwatqanliqi tilgha élin'ghan. Xitay adwokatning yene déyishiche nöwettiki “Yépiq terbiye” dolquni Uyghur rayonidiki xadim we emeldarlar arisida yéngi bir sodini, yeni uruq-tughqanlirini körüwélish üchün alaqidar xadimlargha pul xejleydighan we bu pulni sodilishidighan yéngi bir tijaret shekillen'gen.

Bu xitay adwokat uchurlirida, lagérlarda ikki waqla tamaq bérilidighanliqi, yashan'ghanlarning xitayche öginishte qiyniliwatqanliqi, tutqunlardin bir qisimning 15 ay terbiyilen'gen bolsimu téxiche lagérdin qoyuwétilmigenliki we qachan qoyup bérilishidinmu xewersizlikini bayan qilghan. Xitay adwokatning bu uchurlar heqqidiki izahatnamiside: “Belkim bu, dunyada, natsistlarning irqiy qirghinchiliqidin kéyinki eng chong insan heqliri jinayitidur” déyilgen. Izahatnamide yene: “Mana bu jinayetni ishligüchi nöwette b d t bixeterlik kéngishide olturuqluq we özining mushu xil insan heqliri formulisini bashqilargha téngish bilen aldirash” dep eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.