Uyghur rayonida yézilardiki hödde yerlerning hoquq tewelikini békitish xizmiti bashlan'ghan

Muxbirimiz erkin
2017-09-13
Share

Xitay yéza igilik ministirliqi bu yil 3‏-ayda höjjet chüshürüp, her qaysi jaylar yézilardiki hödde yerlerning hoquq tewelikini békitishni uqturush qilghan idi.

Uyghur aptonom rayonidiki yerlik axbarat wasitilirining xewer qilishiche, Uyghur élidiki yézilarda hödde yerlerning hoquq tewelikini békitish xizmiti bashlan'ghan.

Xewerde, bu xil yerlerning hoquq tewelikining 2018‏-yilning axiridin burun békitilip bolinidighanliqi bildürülgen. "Xoten géziti" yéqinda tarqatqan bu heqtiki bir xewiride qeyt qilishiche, yéza hödde yerlirining hoquq teweliki békitilish arqiliq bu yerler déhqanlarning "Muqim mülki" ge aylinidiken. Biraq bezi közetküchiler, xitayning bu qarari xitay hökümiti yéqinqi 20-30 yil mabeynide xitay köchmenlirini Uyghur diyarigha keng kölemlik köchürüp kélip, nurghun Uyghur déhqanlirining yerliridin ayrilip qalghan bir mezgilde chiqirilghanliqini bildürdi.

Közetküchilerning qarishiche, xitay hökümiti yéqinqi 20-30 yil jeryanida bir tereptin, yéngi tughulghan Uyghur yéza nopusigha yer bérishni toxtatqan. Yene bir tereptin, her xil siyaset we bésim bilen Uyghur déhqanlirini qolidiki yerlirini xitay köchmen déhqanlirigha, bingtu'en yaki xitay öy-mülük qurulush shirketlirige ötünüp bérishke mejbur qilghan. Hazir, xitay da'irilirining yézilardiki yer hoquq tewelikini békitish qararidin qanchilik Uyghur déhqanning "Muqim mülki" ke érishidighanliqi melum emes.

"Xoten géziti"ning xewiride, "Her bir parche yerning hoquq teweliki yerni tizimlashqa iltimas qilish, yer tewelikini tekshürüsh, békitish, royxetke élish, yer kinishkisi tarqitish qatarliq tertipler arqiliq yerning tewelik hoquqi étirap qilinidu we békitilidu," déyilgen. Xewerde körsitishiche, bu tertipler tamamlansa, "Yer déhqanlarning muqim mülkige aylinidiken."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.