Aqsuning bay nahiyeside 5.1 Bal yer tewrigen

Washin'gtondin muxbirimiz jewlan teyyarlidi
2024.04.09

Xitayning “Shinxu'a tori”, “Yer shari téléwiziye tori” 8-aprél küni chiqarghan xewerge qarighanda, shu küni seher 4 etrapida aqsuning bay nahiyeside 5.1 Bal yer tewrigen, yer tewresh chongqurluqi 18 kilométirgha yetken.

Uningdin bashqa, yawropa ottura déngiz yer tewreshni ölchesh merkizi (EMSC) ning bergen uchurigha asaslan'ghanda, 9-aprél küni kéche sa'et 1 etrapida kucha shehirining sherqiy shimalidiki 81 kilométir da'iride 4.2 Bal yer tewrigen.

Bu yer tewreshler gerche apet peyda qilidighan derijide éghir bolmisimu, Uyghur rayonining hélihem yer tewresh aktip bolghan rayon ikenlikini körsetmekte iken.

Bu yil 23-yanwar küni tang seherde aqsuning uchturpan nahiyeside 7.1 Bal yer tewrigen bolup, xitay taratquliri bu yer tewreshte peqet 3 ademning ölüp, 5 ademning yarilan'ghanliqini, köp sanda ölüm-yétim hadisilirining yüz bermigenlikini xewer qilghanidi.

Xitay da'iriliri yer tewreshke da'ir uchurlarni qattiq kontrol qilip kéliwatqan bolup, apet yüz bergen shu mezgilde aqsu wilayetlik tor bashqurush ishxanisining uqturush chiqirip, yer tewreshke a'it “Saxta uchur”, “Ösek söz” tarqatqanlarni jazalaydighanliqini bildürgenliki melum bolghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.