Xitay hökümiti Uyghur rayonida dunya boyiche eng chong “Yéshil hidrogén” zawuti qurmaqchi bolghan

Muxbirimiz jewlan
2022.08.15
Share on WhatsApp
Share on WhatsApp

Xitay hökümiti Uyghur rayonida yéngilighili bolidighan énérgiye bazisi we “Yéshil hidrogén zawuti”  quruwatqan bolup, bu zawut suni hidrogén we oksgén'gha parchilap, andin uni soyuqlandurulghan yéqilghugha aylanduridiken.

“Jenubi xitay seher  pochtisi” gézitining xewirige qarighanda, bu zawut kuchar nahiyesige qurulidighan bolup, u yerde yene quyash we shamal énérgiyesidin paydilinish esliheliri qurulidiken. Quyash énérgiyesi taxtilirining omumiy kölimi 630 géktar bolup, 900 putbol meydanichilik chiqidiken.

 Xitay metbu'atlirining teshwiq qilishiche, Uyghur rayonida quyash énérgiyesi nahayiti mol bolghachqa, yéshil énérgiye yaritishning eng köngüldikidek makani hésablinidiken,  “Yéshil hidrogén zawuti”  yiligha 500 ming tonna karbonni azaytidiken.

Xitay mutexessislirining bildürüshiche, ular quyash énérgiyesidin chiqarghan tok bilen suni éléktrolizlap, yuqiri ünümlük énérgiye sistémisi hasil qilidiken؛ suni parchilash arqiliq alidighan bir kilogram hidrogéndin 4 létir (1 gallon) yéqilghu ishlepchiqiridiken. Andin bu yéqilghuni turuba arqiliq xitayning sherqidiki ölkilerge yetküzüp, u yerdiki énérgiye qischiliqini hel qilidiken.

Xewerlerde melum bolghinidek, xitay néfit guruhi qatarliq chong shirketler Uyghur rayonidiki néfit, tebi'iy gaz bayliqlirini ichkiri xitaygha toshughandin bashqa, yéngi énérgiye bayliqlirigha meblegh sélishqa bashlighan we bunimu turuba arqiliq déngiz boyidiki sheherlerge yötkeshni oylashqan. Amérikadiki “Woks” zhurnilining kespiy yazghuchisi sigal samu'il  radiyomizgha éyitqan sözide xitay hökümitining Uyghurlarni türkümlep lagérgha solishining yene bir sewebini ghayet zor miqdarda néfit, tebi'iy gaz we bashqa tebi'iy bayliqlargha ige bolghan bu zéminni qoldin chiqirip qoymasliq üchün dep chüshendürgenidi. 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.