Хитай хәлқ қурултийи вәкили қурбан нияз “һәр бир йеза-базарни хитай мәдәнийити билән озуқландуруш тәклипи” сунған

Мухбиримиз җәвлан
2022-03-16
Share

“биңтуән гезити” ниң хәвиригә қариғанда, хитайниң бу қетимлиқ икки чоң йиғинида хитай хәлқ қурултийиниң вәкили қурбан нияз уйғур райониниң һәр қайси җайлиридики йеза-базар вә кәнтләрдә “шинҗаңни мәдәнийәт билән озуқландуруш талла базири” ечиш тәклипи сунған.

Қурбан ниязниң тәшәббус қилғини, “шинҗаңни мәдәнийәт билән озуқландуруш” арқилиқ “җуңхуа милләтлири ортақ гәвдиси еңи” ни һәр милләт аммисиниң қәлбигә сиңдүрүш болуп, буни қуруқ гәп яки шоар билән әмәс, бәлки әмәлий һәрикәт, йәни хитай мәдәнийитини аммивийлаштуруш, образлаштуруш, “шинҗаң һекайилири вә биңтуән һекайилири” ни сөзләш, хитайниң әнәниви мәдәнийитини хәлқниң турмушиға елип кириш арқилиқ елип бериш керәк икән.

Хәвәрдә йәнә қурбан ниязниң тәшәббусиға мас һалда биңтуәнниң хитай мәдәнийитигә иҗадий варислиқ қиливатқанлиқи, биңтуән мәдәнийитини омумлаштуруш үчүн нуқтилиқ җайларда музей, мәдәнийәт сарийи, қизил саяһәт нуқтилири бәрпа қиливатқанлиқи тәшвиқ қилинған болуп, бу саһәдә биңтуәнниң йетәкчи орунда икәнлики көрситилгән.

Тәһлилчиләрниң билдүрүшичә, бу қетим хитайниң икки йиғиниға қатнашқан қурбан нияз, дилнар абдуллаға охшаш актип “вәкил” ләрниң “шинҗаңни мәдәнийәт билән озуқландуруш” һәққидики тәклиплири уларниң хитай мәдәнийитигә қошулуп кетиш арзусини билдүргәндин башқа, бир җәһәттин хитай һөкүмитиниң уларни васитә қилип туруп уйғурларға мәдәнийәт қирғинчилиқи елип бериватқанлиқини көрситип беридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт