Xitay xelq qurultiyi wekili qurban niyaz “Her bir yéza-bazarni xitay medeniyiti bilen ozuqlandurush teklipi” sun'ghan

“Bingtu'en géziti” ning xewirige qarighanda, xitayning bu qétimliq ikki chong yighinida xitay xelq qurultiyining wekili qurban niyaz Uyghur rayonining her qaysi jayliridiki yéza-bazar we kentlerde “Shinjangni medeniyet bilen ozuqlandurush talla baziri” échish teklipi sun'ghan.

Qurban niyazning teshebbus qilghini, “Shinjangni medeniyet bilen ozuqlandurush” arqiliq “Jungxu'a milletliri ortaq gewdisi éngi” ni her millet ammisining qelbige singdürüsh bolup, buni quruq gep yaki sho'ar bilen emes, belki emeliy heriket, yeni xitay medeniyitini ammiwiylashturush, obrazlashturush, “Shinjang hékayiliri we bingtu'en hékayiliri” ni sözlesh, xitayning en'eniwi medeniyitini xelqning turmushigha élip kirish arqiliq élip bérish kérek iken.

Xewerde yene qurban niyazning teshebbusigha mas halda bingtu'enning xitay medeniyitige ijadiy warisliq qiliwatqanliqi, bingtu'en medeniyitini omumlashturush üchün nuqtiliq jaylarda muzéy, medeniyet sariyi, qizil sayahet nuqtiliri berpa qiliwatqanliqi teshwiq qilin'ghan bolup, bu sahede bingtu'enning yétekchi orunda ikenliki körsitilgen.

Tehlilchilerning bildürüshiche, bu qétim xitayning ikki yighinigha qatnashqan qurban niyaz, dilnar abdullagha oxshash aktip “Wekil” lerning “Shinjangni medeniyet bilen ozuqlandurush” heqqidiki teklipliri ularning xitay medeniyitige qoshulup kétish arzusini bildürgendin bashqa, bir jehettin xitay hökümitining ularni wasite qilip turup Uyghurlargha medeniyet qirghinchiliqi élip bériwatqanliqini körsitip béridiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar