Uyghurlar diyaridiki lagérlar mesilisi dawamliq xelq'araning diqqitide bolmaqta

Muxbirimiz eziz
2018-06-26
Élxet
Pikir
Share
Print

Uyghurlargha qaritilghan siyasiy basturushlarning éghirlap méngishi hemde minglighan kishilerning dawamliq halda "Terbiyelesh merkizi" namidiki lagérlargha solinishi izchil xelq'araning diqqitide bolup kelmekte. 25-Iyun küni "Yer shari sadaliri" gézitige bésilghan bu heqtiki mexsus maqalini bu halning bir türlük inkasi déyish mumkin.

Maqalida nöwette pütün dunya "Dunya longqisi" putbol musabiqisini körüwatqanda "Chet'elge chiqqan" dégen "Jinayet" bilen eyiblen'gen Uyghur putbol cholpini érpan hézimning buningdin mehrum qaldurulghanliqi, uning nöwette lagérlargha solan'ghan bir milyon Uyghurning biri ikenliki éytilghan.

Maqalida bu xil "Terbiyelesh merkezliri" ning tikenlik sim tosuq, nazaret sistémisi we toluq qorallan'ghan herbiy we saqchilarning nazaritide bolushigha qarap, bu merkezlerning qaysi derijidiki qabahetlik orun ikenlikini tesewwur qilish mumkinliki bayan qilin'ghan.

Maqalida yene muhajirettiki Uyghurlardin uruq-tughqanlirini yoqlash üchün qaytqanlardin gülgine tashmemetke oxshashlarning lagérlargha qamiliwatqanliqi bayan qilin'ghan. Shuningdek ehwali tashqi dunyagha melum bolghan xalmurat xarri, abdu'éziz, nijat turghun qatarliqlarning yazmilirini misal keltürüsh arqiliq köpligen ata-anilarning lagérlargha mehkum bolghanliqi, ularning perzentlirining bolsa "Bu partiye we hökümetning késelni qutquzup, adem dawalashtiki zörür tedbirler" déyishke mejburliniwatqanliqi bayan qilin'ghan.

Toluq bet