Yultuz osmanowa 11 yilliq cheklimidin kéyin özbékistanda konsért qoyush imkaniyitige érishti

Muxbirimiz ümidwar
2017-02-05
Share

Azadliq radi'osining xewer qilishiche, yultuz osmanowa köp yilliq cheklimidin kéyin tunji qétim tashkentiki "Istiqlal" sariyida 11-23-april künliri öz konsértini qoyidighanliqini élan qilghan hemde uning konsértining bélet bahasi 35 dollarghiche yetken bolup, béletler téz sétilishqa bashlighan.

Özbékistan zamaniwi naxshichiliqining péshiwaliridin hésablan'ghan naxsha cholpini yultuz osmanowa prézidént islam kerimof hayat waqtida köp yillar özbékistan térritoriyiside konsért qoyushtin gheyri resmiy rewishte cheklen'gen idi. U, özbékistanni terk étip, hayatini türkiyede ötküzüsh bilen birge türkiye, rusiye, amérika we özbékstanning sirtidiki bashqa sabiq sowét ottura asiya jumhuryetliride öz konsértlirini qoyup kelgen idi.

Özbékistan da'iriliri yultuz osmanowaning özbékistanda konsért körsitishige 11 yil yol qoymighan bolup, hetta u téléwizor ékranliridimu körünmigen iken.

Prézidént islam kerimof wapat bolghandin kéyin, yultuz osmanowa 12-ayda tashkentke kelgen we bashqilar bilen birge sehnide naxsha orundighan idi.

Yultuz osmanowaning terjimhaligha a'it uchurlarda uning dada jemetining esli qeshqerdin köchüp kelgen Uyghurlardin ikenlikige a'it melumatlarmu bar. Uning naxshiliri özbékler arisidila emes, belki Uyghur diyaridimu meshhur bolup, u ürümchige bérip, öz naxshilirini orundighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet