Йүннән өлкисиниң сабиқ партком секретари өлүм җазасиға һөкүм қилинди

Мухбиримиз үмидвар
2016-10-09
Share


Йүннән өлкисиниң сабиқ партком секретари бәй енпей йәкшәнбә күни хенән өлкисиниң әняң шәһәрлик оттура сот мәһкимиси тәрипидин өлүм җазасиға һөкүм қилинип, икки йил кечиктүрүп иҗра қилиш бекитилгән.

Радиойимизниң хәвәр қилишичә, йүннән өлкилик парткомниң сабиқ секретари бәй енпей бу йил 69 яшқа киргән болуп, у сотта өзиниң 247 милйон йүән пара йегәнликини етирап қилған.

Бәй енпей, ши җинпиң чирикликкә зәрбә бериш һәрикитини башлиғандин буян өлүмгә һөкүм қилинған әң юқири дәриҗилик партийә рәһбәрлириниң бири болуп һесаблиниду, хәвәрләрдә униң хитай компартийиси сиясий қанун комитети сабиқ секретари җов йоңкаң билән зич мунасивәтлик икәнлики көрситилгән.

Америка авазиниң хәвәр қилишичә, бәй енпей йүннәндә партком секретарлиқ вәзиписи өтәштин илгири чиңхәй өлкилик парткомниң партком секретари, мәмликәтлик, хәлқ қурултийи муһит вә байлиқларни қоғдаш комитетиниң муавин мудири қатарлиқ вәзипиләрни ақтурған болуп, униң тәкшүрүш җәрянида паш қилишичә, җов йоңкаң униңдин оғли җов бинниң бир қоғушун - синик каниниң сетивелиш ишлириға арилишишиға көңүл бөлүшини тәләп қилған икән.

Сот һөкүмидә йәнә униң кечиктүрүп иҗра қилиш вақти тошқандин кейин, униңға чиқирилған өлүм җазасиниң муддәтсиз қамақ җазасиға өзгәртилидиғанлиқи, униңдин кейин, униң җинайитиниң йениклитилмәйдиғанлиқи вә яки қоюп берилмәйдиғанлиқи билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт