Ürümchi xelq'ara ayrodromi 8 sékuntluq tézlikte "Yüz taraydighan" aptomatik tekshürüsh üskünisini ishqa kirishtürgen

Muxbirimiz nur'iman
2020-06-19
Élxet
Pikir
Share
Print

Shinxu'a torining 17-iyun bergen xewirige qarighanda, ürümchi xelq'ara ayrodromi yoluchilarni bir-birlep ötküzidighan bixeterlik tekshürüsh éghizlirida 8 sékuntluq tézlikte "Yüz taraydighan" aptomatik tekshürüsh üskünisini ornitip, resmiy ishqa kirishtürgen. Xewerde déyilishiche, xitaydiki yuqiri téxnika shirketliri xitay jama'et xewpsizliki organliri bilen hemkarliship 2 yil ichide bu üskinini yasap chiqqan iken. Buning bilen ilgiriki ottura hésab bilen 25 sékunt waqit kétidighan bixeterlik tekshürüsh jeryani bu üsküne arqiliq peqet 8 sikunttila tamamlinidighan bolghan.

Xewerde déyilishiche, ürümchi xelq'ara ayrodromining üch términalida bundaq "Yüz taraydighan" üskinidin jem'iy 37 si bar iken.

"Zimistan" torining bu yil maydiki xewiride xitayning chiray tonush üskünisi arqiliq tekshürülgüchining milliti, qaysi rayondin kelgenliki we qachan qeyerge barghanliqigha a'it pütün pütün uchurlarni tekshürgili bolidighanliqini élan qilghan idi.

Közetküchilerning qarishiche, nöwette Uyghur diyari xitayning yuqiri bésimliq kontrolluq sistémisi astidiki ismi-jismigha layiq "Saqchi döliti" ge aylan'ghan. Ürümchi ayrodromida bu xil yuqiri sür'etlik "Yüz tarash" üskünisining ornitilishi xitay hökümitining Uyghur rayonidiki teqib siyasitining dawamliq küchiyidighanliqidin dérek béridiken.

Toluq bet