Uyghur aptonom rayonluq hökümet amérikani "Zamaniwi qulluq" bilen eyibligen

Muxbirimiz nur'iman
2021-10-25
Share

Uyghur aptonom rayonluq hökümet aldinqi hepte "Shinjanggha munasiwetlik mesililer" heqqide yene bir qétimliq axbarat élan qilish yighini achqan. Uyghur aptonum rayonluq hökümetning bayanatchisi shü güyshyang mezkur yighinda amérikagha hujum qilip, uni "Zamaniwi qulluq" bilen eyibligen.

Xelq'arada xitay hakimiyitining Uyghurlarni keng kölemde lagérlargha solap, ularni sisitémiliq halda mejburiy emgekke séliwatqanliqi heqqidiki eybleshler yuqiri pellige chiqiwatqan bir mezgilde, Uyghur aptonum rayonluq hökümetning amérikani "Zamaniwiy qulluq" bilen eyblishi közetküchilernng küchlük diqqitini qozghighan.

Shü güyshyang mezkur yighinda yene mundaq dégen: "Amérikaning 'shinjangda keng kölemlik mejburi emgek mewjut' déyishi, shinjangdiki her millet xelqining emgek shara'itigha mas kelmeydu. Bu gherbtiki bir qisim dölet organliri oydurup chiqarghan 'yalghanchiliq' tur."

Awstraliye istiratégiyilik siyaset tetqiqat merkizi ötken yili 3-ayda bir doklat élan qilghan bolup, mezkur doklatta xitayda Uyghurlarni qul ishchi qilip ishlitish mesilisige chétilidighan 82 dangliq markaning tizimliki körsitilgen. Doklatta yene 80 ming Uyghur emgek küchining xitayning her qaysi ölkiliridiki 30 zawutta mejburiy ishlitiliwatqanliqi tilgha élin'ghan idi.

Amérika ana weten xewpsizliki ministirliqining bayanatigha qarighanda, amérika tamozhna we chégra qoghdash idarisi 2021-yili xitayning mejburi emgekke chiétishliq ikenliki énqlan'ghan mehsulatlargha qarita chiqarghan tutup qélish buyruqi alte qétimgha yetken. Mezkur ministirliq bu yil 24-iyun küni "Shinjangdiki mejburiy emgek arqiliq ishlepchiqirilghan kirimnéyliq mehsulatlarni tutup qilish buyruqi" ni élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet