Zambiyada qanunsiz kanchiliq qilghan 31 xitay köchmen chégradin heydep chiqirilghan

Muxbirimiz shöhret hoshur
2017-06-07
Share

Roytérisning xewer qilishiche, zambiyede qanunsiz halda kanchiliq bilen shughullan'ghan 31 neper xitay köchmen bügün yeni charshenbe küni chigradin heydep chiqirilghan.

Xitay tashqi bayanatchisi xu'a chünying bügün bu heqte ipade bildürüp, zambiye terepning mezkur kanchilarni yéterlik halda pakitliri bolmay turup tutqun qilghanliqini ilgiri sürgen. Zambiye köchmenler idarisining bashliqi zambiye axbaratigha qilghan sözide mezkur köchmenlerning qanun'gha xilapliq qilghanliqi we bu sewebtin chigradin chiqiriwétilidighanliqini bayan qilghan idi.

Xewerlerde déyilishiche xitay shirketliri zambiyening mis kanlirini qézish üchün bir milyard dollardin artuq meblegh salghan؛ emma xitay shirket bashliqliri ish heqqini töwen bérish we qopal mu'amile qilish qatarliq adaletsiz ish bashqurush usuli bilen zambiyelik ishchilarning naraziliqini peyda qilghan, 2012-yili bu xil naraziliq sewebidin bir zambiyelik ishchi, bir xitay kan bashliqini öltürüwetken.

Xewerlerde yene déyilishiche, afriqa döletliride kan échiwatqan bezi xitay köchmenliri yerlik emeldarlargha para bérish arqiliq özlirining yerlik ishchilargha qiliwatqan heqsiz mu'amilisini dawamlashturup kelmekte. Emma zambiye démokratik bir dölet bolghanliqi üchün, hazirgha qeder xitay kanchilar bilen yerlik ishchilar arisidiki majiralarni adil bir terep qilmaqta we yerlik ishchilarning menpe'etini qoghdap kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.