Uyghur élidiki zeherlik chékimlik etkeschiliki yenila éghirlashmaqta

Muxbirimiz irade
2013-03-05
Share

Uyghur aptonom rayon da'irilirining seyshenbe küni Uyghur élining zeherlik chékimlikke qarshi turush weziyiti heqqide bergen bayanatidin ashkarilinishiche, ötken bir yil ichide Uyghur élide zeherlik chékimlikke alaqidar 1929 délo pash qilinip, 2000 gha yéqin jinayet gumandari qolgha élin'ghan.

Uyghur élidiki zeherlik chékimlik etkeschiliki yenila "Altun üch burjek" we "Altun hilal ay" rayonini menbe qiliwatqan bolup, da'iriler ötken bir yilda bu rayonlardin kirgüzülgen 54 kilogram zeherni qolgha chüshürgen.

Melum bolushiche, "Altun üch burjek" we "Altun hilal ay" rayonliri Uyghur élini tehdit qiliwatqan eng asasliq zeher menbeliri. Bolupmu afghanistandiki "Altun hilal ay" zeher ishlepchiqirish bazisining dunyadiki chong zeher ishlepchiqirish ornigha aylinishi we zeher etkeschilirining asiya qit'elirige zeherlik chékimlik toshush üchün Uyghur élini öteng qiliwélishi Uyghurlar üchün biwasite tehdit yaratmaqta. Bu heqtiki doklatlarda xitay hökümitining zeherlik chékimliklerni cheklesh tedbirlirining yumshaqliqi , buning ziyinigha eng éghir uchrawatqanlarning Uyghur yash ösmürliri ikenliki qeyt qilin'ghan.

Uyghur élidin igilen'gen uchurlardin melum bolushiche, Uyghur élide zeherni chekleshke tosalghu boluwatqan asasliq mesile zeher xumarlarning qaytidin zeher chékish ehwalining éghir bolushi shundaqla, küchni zeherning kirish yolini tosushtin bekrek zeher tashlatquzushqa qaritiwatqanliqi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet