Уйғур елида тизимланған зәһәр чәккүчиләр 54 миңдин ешип кәткән

Мухбиримиз ирадә
2014-06-26
Share

Уйғур елида һазирғичә 54 миңдин ошуқ зәһәр чәккүчи тизимликкә киргүзүлгән. Тәңритағ торида берилгән хәвәрдин қариғанда, уйғур ели әслидики зәһәрлик буюмларни чеградин өткүзидиған җайдин тәрәққий қилип, истемал қилидиған җайға айланған.

Уйғур ели җамаәт хәвпсизлик даирилири тәрипидин дуня зәһәр әткәсчиликигә қарши туруш күни мунасивити билән елан қилинған учурдин қариғанда йәнә, уйғур елида нәшә, музсиман зәһәр вә чума қатарлиқ зәһәрлик маддиларни тарқитиш вә истемал қилишму кеңәйгән.

Зәһәрлик чекимлик әткәсчилики вә әйдиз билән юқумлиниш мәсилиси нөвәттә уйғур елидики җиддий хәвпләрниң бири. Әмма чәтәлләрдики уйғур көзәткүчиләр хитай һөкүмитини уйғур елидики зәһәр әткәсчилики билән күрәш қилишта зәһәр кирип-чиқиватқан еғизларни яхши контрол қилмаслиқ билән әйиблимәктә.

Уйғур ели даирилири 2013-йили елан қилған статистикисида уйғур елида зәһәр чекидиғанларниң санини 40 миңдин ашқанлиқини қәйт қилған. Әмма бир йилниң ичидә бу рәқәм өрләп, 54 миңдин ешип кетиши диққәт қозғиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт