Uyghur élida tizimlan'ghan zeher chekküchiler 54 mingdin éship ketken

Muxbirimiz irade
2014-06-26
Share

Uyghur élida hazirghiche 54 mingdin oshuq zeher chekküchi tizimlikke kirgüzülgen. Tengritagh torida bérilgen xewerdin qarighanda, Uyghur éli eslidiki zeherlik buyumlarni chégradin ötküzidighan jaydin tereqqiy qilip, istémal qilidighan jaygha aylan'ghan.

Uyghur éli jama'et xewpsizlik da'iriliri teripidin dunya zeher etkeschilikige qarshi turush küni munasiwiti bilen élan qilin'ghan uchurdin qarighanda yene, Uyghur élida neshe, muzsiman zeher we chuma qatarliq zeherlik maddilarni tarqitish we istémal qilishmu kéngeygen.

Zeherlik chékimlik etkeschiliki we eydiz bilen yuqumlinish mesilisi nöwette Uyghur élidiki jiddiy xewplerning biri. Emma chet'ellerdiki Uyghur közetküchiler xitay hökümitini Uyghur élidiki zeher etkeschiliki bilen küresh qilishta zeher kirip-chiqiwatqan éghizlarni yaxshi kontrol qilmasliq bilen eyiblimekte.

Uyghur éli da'iriliri 2013-yili élan qilghan statistikisida Uyghur élida zeher chékidighanlarning sanini 40 mingdin ashqanliqini qeyt qilghan. Emma bir yilning ichide bu reqem örlep, 54 mingdin éship kétishi diqqet qozghidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.