Uyghur élida zeherlik chékimlikke chétilidighan délolar yene köpeygen

Muxbirimiz irade
2015-09-10
Élxet
Pikir
Share
Print

Uyghur éli saqchi da'iriliri Uyghur élida zeherlik chékimlikke chétilidighan délolarning téz köpiyiwatqanliqini we buninggha derhal zerbe bérilishi kéreklikini bildürgen.

Shinxu'a agéntliqining xewer qilishiche, Uyghur éli zeherlik chékimlikke qarshi turush komitétining bashliqi shung shu'en'go bayanatida, zeher etkeschiliki, zeher istimali we zeherlik chékimlik sodisini nishan qilghan bir qanche heriketlerning élip bérilghanliqini, bu yil birinchi aydin-8 -ayghiche bolghan qisqighine ariliqta zeherlik chékimlikke chétilidighan délo sanida 11 pirsent artish bolghanliqini bildürgen.

Melum bolushiche, bu heriketler jeryanida 1 tonnidin artuq zeher qolgha chüshken, 1622 neper jinayet gumandarini qolgha alghan. Bundin bashqa da'iriler yene 9506 neper zeher chekküchilerni éniqlap chiqqan. Melum bolushiche, ularning yérimidin köpreki yéngidin zeherlik chékimlik chekkenler bolup, saqchi da'iriliri 2000 neperdin artuq zeher chekküchining zeher tashlash orunlirigha ewetilgenlikini bildürgen.

Uyghur éli saqchi da'iriliri zeher chekküchilerning sanini kontrol astigha élinishi kéreklikini tekitligen.

Uyghur éli xitaydiki zeherlik chékimlik we eydiz késellikining yamrash ehwali eng éghir jaylarning biri. Chet'ellerdiki mutexessisler buninggha nurghunlighan ijtima'iy, iqtisadiy amillarning yénida Uyghurlarning siyasiy weziyitiningmu muhim rol oynawatqanliqini ilgiri süridu.

Toluq bet