Jang chünshyen Uyghur élini "Térrorluqqa zerbe bérishning asasliq jeng meydani" dep atidi

Muxbirimiz irade
2014-03-06
Élxet
Pikir
Share
Print

Uyghur aptonom rayoni partkomining bash sékrétari jang chünshyen béyjingdiki xelq qurultiyida hökümet xizmetliridin doklat bergende qilghan sözide "Térrorluq, zorawanliq heriketlirige dawamliq zerbe bérish" ni tekitligen. Jang chünshyen sözide Uyghur élining weziyitini töwendikidek sözler bilen sherhligen:
-Shinjang térrorluqqa zerbe bérishning aldinqi liniyisi, asasliq jeng meydani. U hazir zorawan térror heriketliri janliniwatqan, bölgünchilikke qarshi urush keskinlishiwatqan bir peytte turmaqta.

Kunmingdiki 1-mart weqesidin kéyin, xitay hökümiti ilgirikige oxshashla weqeni derhal térrorluq weqesi dep atidi. Chet'ellerdiki kishilik hoquq organliri bolsa xitay hökümitini "Térrorluq" sözini qalaymiqan ishlitish, yerliktiki weqelerni köptürüp, weziyetni ötkürleshtürüsh bilen eyiblep kelgen. Chet'ellik közetküchiler kunmingdiki weqegimu xitay hökümitining Uyghur élidiki qattiq qolluq siyasitining seweb bolghanliqini bildürdi.

Halbuki, yuqiridiki pikirlerning eksiche, bügün xitay dölet milletler we din ishliri komitétining mudiri ju wéychün muxbirlargha qilghan sözide kunmingdiki weqeni milliy mesile dep qarashqa bolmaydighanliqini tekitligen. Emma u, bu weqening xitaylar bilen Uyghurlar arisidiki nepretni chongqurlashturuwetkenlikini étirap qilghan.

Toluq bet