جۇ يۇڭكاڭ ئۆمۈرلۈك قاماق جازاسىغا ھۆكۈم قىلىندى
سابىق كومپارتىيە سىياسىي بيۇرۇ دائىمى ئەزاسى، سىياسي قانۇن سېكرىتارى جۇ يۇڭكاڭ بۈگۈن ئۆمۈرلۈك قاماق جازاسىغا ھۆكۈم قىلىندى. خىتاي ئالىي تەپتىش مەھكىمىسى ئۇنى بۇ يىل ئاپرىلدا رەسمىي ھالدا پارىخورلۇق، ھوقۇقىنى سۈيىئىستىمال قىلىش، دۆلەت مەخپىيەتلىكىنى ئاشكارىلاش قاتارلىق جىنايەتلەر بىلەن ئەيىبلەپ، دېلونى تيەنجىن تەپتىش مەھكىمىسىگە ئۆتكۈزۈپ بەرگەن ئىدى.
خىتاينىڭ دۆلەت تېلىۋىزىيىسى جۇ يۇڭكاڭنىڭ ئەيىبنامىسى ئوقۇلغان سوت خاتىرىسىنى تېلېۋىزىيىدە تارقاتقان. قولغا ئېلىنغاندىن بۇيان ئېكرانلاردا كۆرۈلۈپ باقمىغان جۇ يۇڭكاڭنىڭ ئىلگىرىكىدىن كۆپ ئۆزگىرىپ كەتكەن چىرايى، بولۇپمۇ ئۇنىڭ قاردەك ئاقىرىپ كەتكەن چېچى دىققەت قوزغىدى.
ۋاشىنگىتون پوچتىسى بۇ ھەقتىكى خەۋىرىدە، خىتايدا يۇقىرى دەرىجىلىك ئەمەلدارلار جىنايەت ئۆتكۈزگەندە ئۇلارغا چېچىنى بوياشقا رۇخسەت قىلىنمايدىغانلىقىنى، بۇ، ئۇنىڭ جازالانغانلىقى، بىر ھىسابتا يىقىلغانلىقىنىڭ سىمۋولى ئىكەنلىكىنى بىلدۈردى.
- شىۋېت مىسسىيونېرلىرىنىڭ شەرقىي تۈركىستاندىن ئايرىلىشى
- يۈزلەرچە ئۇيغۇرلار جەنۋەدىكى ب د ت بىناسى ئالدىدا نامايىش ئېلىپ باردى
- «قەشقەر كوناشەھەر ھۆججىتى» ئۇيغۇرلارغا قارىتىلغان تۇتقۇننىڭ كۆلىمىنى يەنە بىر قېتىم ئاشكارىلىدى
- ئەنقەرەدە «ئۇيغۇر ئىرقىي قىرغىنچىلىقى ۋە ئۇيغۇر مەدەنىيىتى» تېمىسىدا كۆرگەزمە ئېچىلدى
- ئىلى پېداگوگىكا ئۇنىۋېرسىتېتىنىڭ ئوقۇتقۇچىسى دىلمۇرات ئاۋۇتنىڭ «دۆلەت تىلىنى كۆزگە ئىلماسلىق» بىلەن ئەيىبلىنىپ كېسىۋېتىلگەنلىكى ئاشكارىلاندى
