Хитай сотчи җу йүңкаң үстидин башланған тәкшүрүш һәрикитини махтиған
2014.08.27
Хитайдики бир алий сотчи сабиқ хитай әмәлдари җу йүңкаңниң чериклик қилмишлири үстидин башланған тәкшүрүш һәрикитини алаһидә тәриплигән.
“җуңго хәвәрләр тори” да нәқил қилишичә, хитай алий сотиниң рәиси җу чяң, “җу йүңкаң үстидин тәкшүрүш башланғанлиқи, һәр қандақ партийә рәһбириниң қанундин үстүн әмәсликини көрситидиғанлиқи” ни билдүргән.
У сөзидә: мәзкур тәкшүрүш партийә әзалириниң партийә низамнамиси вә дөләт қанунниң сиртиға чиқип кетишигә йол қоюлмайдиғанлиқини намаян қилди, дегән.
Хитай сотчи җу чяң сөзидә йәнә хитайниң нөвәттики чирикликкә қариши туруш вәзийитиниң “қорқунчлуқ, вәзипиниң мүшкүл” икәнликини көрсәткән.
Хитай мәркизий комитети 29 - июлдики уқтурушида, сабиқ җ х министири, сабиқ сиясий қанун комитети рәиси җу йүңкаңниң чериклик қилмишлири үстидин тәкшүрүш башланғанлиқини елан қилған иди.
Җу йүңкаң ши җинпиң башлиған чирикликкә зәрбә бериш һәрикитидә торға елинип қалған әң чоң хитай әмәлдарлириниң бири.