Zimbabowidiki herbiy özgirishtin kéyin prézidént mugabi nezerbendke élindi

Muxbirimiz irade
2017-11-16
Élxet
Pikir
Share
Print

B b s qatarliq agéntliqlarning xewer qilishiche, zimbabowida yüz bergen herbiy özgirish netijiside uzun yillardin béri hoquq tutup kéliwatqan prézidént robért mugabé charshenbe küni öz öyide nezerbend astigha élin'ghan.

Herbiy özgirishning rehbiri morgén siwan'girayi axbaratlargha qilghan sözide bu yil 93 yashqa kirgen prézidént mugabining derhal istépa bérishi kéreklikini bildürgen. Biraq xewerlerdin qarighanda, mugabi buni ret qiliwatqan bolup, uning nöwette bir qisim armiye bashliqliri we jenubiy afriqidin kelgen bir hey'et bilen öz teqdiri üstide söhbetlishiwatqanliqi melum.

Bu heqtiki bügünki xewerlerde yene zimbabowida yüz bergen herbiy özgirishte xitayning qoli barliqi isharet qilinmaqta. Bu pikirni eng awwal "London waqti géziti" otturigha qoyghan bolup, u seyshenbe küni tarqatqan xewiride herbiy özgirish rehberliridin biri bolghan général konstantini chiwen'ganing ötken jüme küni xitaygha bérip, xitay dölet mudapi'e ministiri chang wenchün bilen körüshkenlikini we xitaydin herbiy özgirishke qarita maqulluq alghanliqini ilgiri sürgen.

"Teqdir" gézitining bu heqtiki bayanliridin qarighanda, xitayning zimbabowida nurghun meblighi bar bolup, yuqiridiki weqe xitayning chet'ellerge séliwatqan zor meblighi we soda alaqilirining siyasiy tesirge ayliniwatqanliqigha bir yaxshi misali bolalaydiken.

"Waqit" géziti öz xewiride yene zimbabowining hökümet qatlimidiki qattiq chiriklik sewebidin xitayning herbiy özgirish yüz bérishige ijabiy pozitsiyede bolup kelgenlikini bayan qilghan.

Xewerlerdin melum bolushiche, zimbabowidiki hakimiyet özgirishining qandaq netije béridiüanliqi éniqsiz iken. Biraq közetküchilerning qarishiche, mugabining hoquqni qayta qolgha élish éhtimalliqinimu chetke qéqishqa bolmaydiken.

Toluq bet